Vidnyan Manache (Marathi): Manache Buddha Kase Banal
Σχετικά με το ebook
विश्वात विज्ञानाच्या साहाय्याने आजवर अनेक चमत्कार घडले आहेत. शिवाय, कित्येक आविष्कारांवर आजही संशोधन सुरू आहे. मात्र, आदर्श आणि प्रशिक्षित मनाचा चमत्कार आपण कधी पाहिलाय? याचं उत्तर ‘नाही’ असं असेल, तर निश्चितच हे पुस्तक आपल्यासाठी आहे. सर्व कल्पनांपलीकडे असलेला सर्वांत मोठा चमत्कार या प्रशिक्षित आणि आदर्श मनासोबतच घडू शकतो, ही बाब आपण प्रस्तुत ‘विज्ञान मनाचे’ या पुस्तकाद्वारे जाणणार आहोत. आपलं मन दुःखी, त्रस्त होईल, त्यावेळी निम्नलिखित बाबींवर आपलं लक्ष
केंद्रित करा.
* मन म्हणजे काय? मनाचे विविध पैलू कोणते? मनाचे बुद्ध कसे बनाल?
* विचार आणि भावनांद्वारे मन सत्यावर कसं आरूढ होतं?
* सुलभ रूपकांद्वारे मनाची कार्यपद्धती जाणा
* मनाचे विकार आणि त्यांतून मुक्त होण्याचे मार्ग
* मनाच्या सर्व नकारात्मक सवयींपासून मुक्तीचे रचनात्मक उपाय
* मन आदर्श बनवण्याचा उद्देश आणि योग्य पद्धती
* मन मनोरंजनात कसं अडकतं, त्यातून मुक्त होण्याचे उपाय
* मनाची नाटकं अनेक, त्यांतून मुक्त होण्याचे उपायही अनेक!
* मनाचा बुद्ध बनण्यासाठी आवश्यक 8 पावलं
प्रस्तुत पुस्तकाच्या साहाय्याने आपण सुप्त मनाच्या अनोख्या रूपाशी परिचित होऊन मनाचे बुद्ध बनण्याचा राजमार्ग जाणाल, जो मन त्रस्त होण्यापूर्वीच आत्मसात करायला हवा.
Βαθμολογίες και αξιολογήσεις
Σχετικά με τον συγγραφέα
सत्यप्राप्तीच्या शोधासाठी जास्तीत-जास्त वेळ देता यावा, या तीव्र इच्छेने त्यांना, ते करत असलेले अध्यापनाचे कार्य त्याग करण्यास प्रवृत्त केले. जीवनाचे रहस्य समजण्यासाठी त्यांनी बराच काळ मनन करून आपले शोधकार्य सतत सुरू ठेवले. या शोधाच्या शेवटी त्यांना ‘आत्मबोध’ प्राप्त झाला. आत्मसाक्षात्कारानंतर त्यांना जाणवले, की सत्यापर्यंत पोहोचण्याच्या प्रत्येक मार्गांत एकच सुटलेली कडी (मिसिंग लिंक) आहे आणि ती म्हणजे ‘समज’ (Understanding).
सरश्री म्हणतात, ‘सत्यप्राप्तीच्या सर्व मार्गांचा आरंभ वेगवेगळ्या प्रकारे होतो, परंतु सर्वांचा शेवट मात्र ‘समजे’ने होतो. ही ‘समज’च सर्व काही असून, ती स्वतःच परिपूर्ण आहे. आध्यात्मिक ज्ञान प्राप्तीकरिता या ‘समजे’चे श्रवणसुद्धा पुरेसे आहे’ हीच ‘समज’ प्रदान करण्यासाठी सरश्रींनी ‘तेजज्ञानाची’ निर्मिती केली. तेजज्ञान ही आत्मविकासातून आत्मसाक्षात्कार प्राप्त करण्याची संपूर्ण ज्ञानप्रणाली आहे.
सरश्रींनी दोन हजारांहून अधिक प्रवचन दिले आहेत आणि सत्तरपेक्षा जास्त पुस्तकांची रचना केली आहे. ही पुस्तके दहापेक्षा अधिक भाषांमध्ये रूपांतरित केली गेली असून, पेंगुइन बुक्स, हे हाऊस पब्लिशर्स, जैको बुक्स, हिंद पॉकेट बुक्स, मंजुल पब्लिशिंग हाऊस, प्रभात प्रकाशन, राजपाल ऍण्ड सन्स इत्यादी प्रमुख प्रकाशन संस्थांद्वारा प्रकाशित केली गेली आहेत. सरश्रींच्या शिकवणीने लाखो लोकांच्या जीवनात परिवर्तन घडलं आहे. तसेच संपूर्ण विश्वाची चेतना वाढविण्यासाठी कित्येक सामाजिक कार्यांची सुरुवातही केली आहे.
