Skákleikir sem reyna á hugann

Skák er einn elsti og vinsælasti herkænskuleikur í heimi. Í hefðbundinni skák mætirðu mótherja þínum í klassískri baráttu sóknar og kænsku, en það er hægt að breyta þeirri kunnuglegu formúlu með ýmiss konar skemmtilegum hætti.

Taktu fyrstu skrefin að því að verða stórmeistari í skák með hjálp Dr. Wolf, hins viðkunnanlega gervigreindarþjálfara. Sama hvert færnistig þitt er hjálpa leiðbeiningarnar og ráðin sem þú færð þér að auka þína hæfni með hverjum leik.

Farðu ofan í dýflissur Skáklandanna í þessum þrautaleik sem byggður er á hefðbundinni skák. Stjórnaðu hetjunni þinni með spilum sem tákna hvern skákmann og sigrastu á erfiðum óvinum um leið og þú reynir að klára hvert borð. Nýgræðingar í skák eiga auðvelt með að læra leikinn og hinir reyndari taka áskoruninni fagnandi.

Chess Minis: Play and Learn gerir ævafornan leik skemmtilegan og spennandi með heillandi hreyfimyndagrafík, skákmönnum sem hægt er að breyta og þrautum sem halda þér á tánum. Lærðu byrjanir og hvernig á að klára skákir og skoraðu á mótherja um allan heim.

Hver segir að ekki sé hægt að tefla með 6 hrókum og 4 riddurum? Really Bad Chess snýst um að taka venjulega skák og hrista rækilega upp í henni. Stundum er gott að vera slæmur.

Kepptu við leikmenn um allan heim í einum elsta og vinsælasta herkænskuleiknum, skák. Lærðu af leikjunum þínum, æfðu þig með flóknum þrautum og láttu reyna á hæfnina á opnum mótum.