Lojëra shahu për të stërvitur mendjen

Shahu është një nga lojërat më të vjetra dhe më të njohura me strategji në botë. Në lojën tradicionale të shahut, do të përballesh me kundërshtarin tënd në një betejë klasike zgjuarsie dhe guximi, por ka shumë të papritura argëtuese që mund të provosh ndryshe nga formula e njohur.

Hidh hapat e parë për t'u bërë një mjeshtër i madh i shahut me ndihmën e Dr. Wolf, një trajner miqësor me inteligjencën artificiale. Pavarësisht nga niveli i aftësive të tua, udhëzimet dhe këshillat që merr do të të ndihmojnë ta përmirësosh lojën tënde me çdo lëvizje.

Hyr në tunelet e Chesslands në këtë lojë roguelike me enigma, të frymëzuar nga shahu. Kontrolloje heroin tënd me karta që përfaqësojnë çdo gur dhe mposht armiqtë e tu të fortë ndërsa përpiqesh të pastrosh çdo fushë. Një zgjedhje e lehtë për fillestarët dhe një sfidë e mirëpritur për veteranët e shahut.

Me grafikën tërheqëse me animacione, gurët e personalizueshëm dhe enigma që të mbajnë në ankth, Chess Minis: Play and Learn e bën përsëri argëtuese dhe gjallëruese një lojë që vjen nga lashtësia. Mëso strategjitë e hapjes dhe mbylljes, sfido kundërshtarët nga e gjithë bota dhe shijo përsëri argëtimin në një lojë "thelbësore".

Kush thotë se nuk mund të luash shah me 6 torra dhe 4 kuaj? Really Bad Chess merr formulën e zakonshme të lojës klasike të tavolinës dhe e përzien atë më tej. Ndonjëherë është mirë të jesh i keq.

Konkurro me lojtarë nga e gjithë bota në një nga lojërat më të vjetra dhe më të njohura me strategji, shahu. Mëso nga lojërat e tua, praktikohu me enigma të vështira logjike dhe provoji aftësitë e tua të reja në turnetë e hapura.