賭馬男人嫁得過

賭SIR‏ · 常威‏ · 必勝客‏

جنوری 2020 · 真源有限公司

اس ای بک کے بارے میں

《賭波男人嫁得過》作者賭Sir之後又一力作！今次與文史哲達人常威攜手合著「嫁得過」系列3《賭馬男人嫁得過》。《賭波男人嫁得過》於出版短短三個月內即已再版，不啻為出版奇蹟。《賭馬男人嫁得過》是香港人以香港話寫生活智慧哲學書。全港第二本以數學同哲學角度，切入香港人真實生活面貌嘅一級奇書，堅不離地，母語教學，繼續以廣東話寫作。

阿媽教落，做人，有三部曲。

第一，要學識唔好蝕底；

第二，要學識綜觀大局；

第三，要學識把握機會！

賭馬，又何嘗唔係？

《賭馬男人嫁得過》由以下三部份組成：

第一部份，賭馬風險管理，由杜氏數學創辦人賭Sir主編。教你拆解馬會嘅綑縛式利誘投注策略，令你唔使賭貴馬、輸凸錢。 仲會解釋畀你知，賭馬方程式背後嘅原理，令你有能力區分賭馬集團嘅真與假。 除此之外，賭Sir仲會踢爆坊間嘅賽馬老千，及其牛鬼蛇神，助你認清真相，杜絕

任何畀佢搵你笨嘅機會。做好風險管理，學識唔好蝕底。

第二部份，賭馬政治學，由近代史專家常威主編。由政治同歷史嘅角度，分析賽馬同資產階級嘅關係，教你跳出當局者迷嘅馬迷身份，借用權貴嘅眼睛，摸清賽馬遊戲嘅潛規則，令你有能力睇到一般馬迷睇唔到嘅蛛絲螞跡，降低搭沉船嘅機會。用統治階層嘅腦袋刨馬，學識綜觀大局。

第三部份，賭馬技術分析，由經典馬評家必勝客匿名主編。由宏觀返回微觀，落返去個體馬迷嘅視野，究竟有咩揀馬嘅技術先？好高興邀請到隱世高手必勝客，揮筆傳授「揀馬的26道暗黑兵法」畀大家。講到底，都係要學識把握機會！

مصنف کے بارے میں

賭Sir，杜氏數學YouTube Channel創辦人，大學主修風險管理，熱愛使用數學分析賭博，畢生嘅使命係用人類語言，解釋艱深嘅數學概念。之所以動筆寫《嫁得過男人》系列，係希望人人都識得利用數學，好好管理人生嘅風險，令數學唔再係社會精英嘅專利。

賭Sir檔案： 

全港第一 訂閱粉絲最多的數學補習YouTuber。 

全港唯一 於2017年以手機App開Live授課時薪過萬的數學補習導師。 

全港唯一「完爆」【DSE Core+M1+M2】、【AL Pure+Applied】、【CE Maths+A.Maths】、【IAL 12科Maths】的數學補習導師。 

全港唯一 數學補習YouTuber 連續兩屆獲 YouTube官方邀請並出席 首兩屆 FanFest Creator Camp。

獲世界YouTube學校邀請，以成功 YouTuber身份，透過全球直播分享經營 YouTube Channel 的心得。 

獲多間中學邀請舉辦YouTuber生涯規劃講座。 

獲多間非牟利機構邀請任教在職進修課程：統計入門、問卷設計、資料分析、圖表解讀、推理能力……

常威，真身不現，人稱KOL常公子，於Facebook經營一個叫「常威」專頁，從此大受歡迎。以一個死去多年的19世紀大清子民「常威」身份，同大家亂入中國近代史，穿梭時空，縱論古今中外，用完全不離地狗噏角度，以無堅不摧利器港式母語講歷史！左右不分，不喜勿插！

必勝客，元祖級網絡馬評人，廿幾年賭馬經驗，精於以逆向思考揀馬。他認為賭馬最過癮的地方不是贏錢，而是刨馬的每一個晚上。必勝客近年系統地整理自己歷年來的賭馬心得，自創了一套揀馬暗黑兵法。他遵守賭博格言「寧可悶悶哋贏，也不刺激地輸」。從此一周兩戰，戰無不勝。