Die Fout By Ons Sterre

John Green

sept 2016 · Penguin Random House South Africa

Acerca de este libro electrónico

Die oorspronklike Engelse roman – THE FAULT IN OUR STARS – is 'n internasionale blitsverkoper waarvan ook ’n baie suksesvolle rolprent gemaak is. Die bekende skrywer en kunstenaar, Tinus Horn, het die boek op ’n sensitiewe manier in Afrikaans vertaal as DIE FOUT BY ONS STERRE. Ondanks die mediese wonderwerk wat gewasse laat krimp en vir haar ’n paar jaar koop, stuur Hazel se lewensverhaal op die einde af; haar diagnose het die inhoud van die laaste hoofstuk bepaal. Maar wanneer ’n uiters aantreklike omwenteling met die naam Augustus Waters by die kankerondersteuningsgroep vir kinders instap, word Hazel se storie van voor tot agter herskryf. Rou, dapper, oneerbiedig en vol insig. DIE FOUT BY ONS STERRE is tot dusver die bekroonde skrywer John Green se mees ondernemende en hartroerende roman, waarin hy die lagwekkende, asembenewende en tragiese aard van die lewe en liefde skitterend verken.

Acerca del autor

John Green is ’n bekroonde Amerikaanse skrywer van jong volwassefiksie, met treffers op die New York Times se blitsverkoperlys. Hy het onder meer die Printz-medalje, Printz-verering en die Edgar-toekenning gewen en was twee keer ’n finalis vir die LA Times se boekprys. John en sy broer Hank vorm Vlogbrother, een van die gewildste aanlyn videoprojekte in die wêreld. John en sy gesin woon in Indianapolis, Indiana.