Google Kids Space

Google LLC

Meer oor hierdie program

Google Kids Space is ’n tabletervaring met ’n gepasmaakte tuisskerm en biblioteek met hoëgehalte-inhoud vir kinders jonger as 9. Kinders kan hul ervaring met unieke avatars pasmaak en inhoudaanbevelings op grond van hul belangstellings ontvang, terwyl ouers met ouerkontroles grense kan stel.

’n Google-rekening vir jou kind en ’n versoenbare Android-toestel is nodig vir Google Kids Space.

Apps en speletjies wat deur onderwysers goedgekeur is
Google Kids Space kom met apps en speletjies van Google Play af wat goedgekeur is deur onderwysers en spesialiste in kinderopvoeding en -media. Goedgekeur deur Onderwysers-apps is ouderdomtoepaslik, sorgsaam ontwerp, en pret of inspirerend.

Ouers wat groter aanpasbaarheid as Google Kids Space-aanbevelings wil hê, kan deur die ouerkieslys selfs meer inhoud uit die Google Play Winkel byvoeg.

Boeke wat deur kenners van kinderboeke uitgesoek is
’n Veranderende katalogus uit Play Boeke is kundig saamgestel om ’n liefde vir lees aan te vuur. Daar is klassieke boeke met oulike titels en karakters wat jy sal herken, asook splinternuwe stories wat onderwerpe van vragmotors tot ballet dek. Kinders kan nuwe belangstellings kry of sommige van hul gunstelingstories keer op keer geniet.

Aanbeveelde video’s met verrykende inhoud
Kinders kan geïnspireer word om hul vaardighede te skep, te ontdek, en te oefen met video’s uit YouTube Kids wat tot praktiese kreatiwiteit en spel aanleiding gee. Hulle sal video’s oor alles van eenvoudige tekenaktiwiteite tot lawwe wetenskapprojekte kry. Of hulle nou wil leer, sing of lag, kan kinders deur video’s oor hul gunstelingonderwerpe en -karakters snuffel.

Ontwerp met kinders se nuuskierigheid in gedagte
Of dit nou diere of kunsprojekte is – kinders word klein kenners van die dinge waarvan hulle hou. Google Kids Space is ontwerp om hulle te help om hul jongste belangstellings te verken en om selfs meer te leer – op nuwe en betrokke maniere. Kinders kan hul ervaring selfs pasmaak deur hul eie karakter te skep wat hulle op die skerm sal sien wanneer hulle aanmeld.

Stel grense met ouerkontroles
Met ouerkontroles in die Family Link-app deur Google kan jy jou kind se ervaring rig deur inhoud uit Google Play te bestuur, skermtydlimiete te stel, en meer – alles van jou eie toestel af.

Belangrike inligting
Google Kids Space vervang die tuisskerm van jou kind se tablet met ’n ervaring wat kinders help om die inhoud wat hulle ken en waarvan hulle hou in oortjies vir apps en speletjies, video’s en boeke te organiseer. Google Kids Space kan op enige tydstip deur die ouerkieslys afgeskakel word.

’n Google-rekening vir jou kind is nodig vir Google Kids Space. Die Family Link-app op ’n gesteunde Android-, Chromebook- of iOS-toestel is nodig vir ouerkontroles. Die beskikbaarheid van kenmerke kan tussen streke verskil. Google Kids Space is vir uitgesoekte Android-tablette beskikbaar. Google Assistent is nie in Google Kids Space beskikbaar nie.

Boek- en video-inhoud sal dalk nie in alle streke beskikbaar wees nie. Video-inhoud is onderworpe aan die beskikbaarheid van die YouTube Kids-app. Die Play Boeke-app is nodig vir boekinhoud. Die beskikbaarheid van apps, boeke en video-inhoud kan sonder kennisgewing verander.

Wat's nuut

Verskeie foutoplossings en stabiliteitverbeterings.