Microsoft To Do: Lists & Tasks

Microsoft Corporation

За апликацијава

Microsoft To Do е едноставен и интелигентен список со задолженија којшто го олеснува планирањето на вашиот ден. Без разлика дали се работи за на работа, во училиште или дома, To Do ќе ви помогне да ја зголемите својата продуктивност и да ги намалите нивоата на стрес. Комбинира интелигентна технологија и прекрасен дизајн за да ви овозможи да создадете едноставен дневен работен тек.

Организирајте го и планирајте го својот ден

Организирајте го својот ден со паметните предлози на To Do и извршувајте ги најважните задачи, обврски и задолженија коишто треба да ги завршите, секој ден. To Do се синхронизира помеѓу телефонот и компјутерот, па може да пристапувате до задолженијата од училиште, од канцеларија или од продавница, па дури и додека патувате низ светот.

Споделувајте ги списоците со семејството и колегите

Споделувањето списоци ви дозволува да соработувате на заедничките списоци и задачи и да ги постигнувате своите цели без пречки. Без разлика дали сакате да споделите список со службени ставки со вашите тимови или список за купување со вашиот партнер, со нашата врска за споделување, ги олеснуваме координирањето и соработката во мали тимови и еден на еден. Заедничкото завршување работи никогаш не било полесно!

Делете ги задачите на помали, поконцизни ставки

Чекорите (подзадачите) дозволуваат секое задолжение да се подели на помали, поконцизни делови. За да им помогнеме на клиентите да бидат уште попродуктивни, секое задолжение ќе прикажува точно колку чекори (подзадачи) содржи и колку од нив се завршени. Чекорите (подзадачите) ќе ја задржат состојбата на завршеност дури и кога задолжението во коешто припаѓаат ќе се означи како завршено или незавршено.

Поставувајте крајни датуми и потсетници

Може брзо да ги додавате, организирате и закажувате своите задолженија додека сте во движење. Може да додавате потсетници и крајни датуми за важните задолженија коишто не смеете да ги заборавите ‒ ние ќе ве потсетиме. А ако имате задолженија коишто треба да ги штиклирате на дневна, седмична или годишна основа, може да поставите повторливи крајни датуми коишто редовно ќе ве потсетуваат.

Додавајте белешки во своите задачи

To Do може да се користи и како апликација за фаќање белешки и за додавање детални белешки за секое задолжение ‒ од адреси и детали за книгата којашто сакате да ја прочитате, до веб-локацијата на омиленото кафуле. Може да ги собирате сите задачи и белешки на едно место со цел да постигнете повеќе.

Интеграција со Outlook

Со интеграцијата со поштата на Outlook, може да ги прикажувате задачите на вашиот клиент за работна површина на Outlook или на Outlook.com со помош на истата сметка на Microsoft. Сите задолженија се складираат на серверите на Exchange Online, па автоматски ќе се прикажат во Microsoft To Do и во задачите на Outlook.

Планирајте на што би сакале да се фокусирате секое утро и дајте си моќен поттик за да бидете продуктивни во текот на денот. Преземањето и користењето на оваа едноставна апликација за списоци со задолженија е бесплатно. Вклучува: приспособливи теми, белешки, потсетници, крајни датуми, паметни предлози и синхронизирање на повеќе уреди. Накратко, сè што ви е потребно за да управувате со својот живот и да постигнете повеќе. Извршувањето на задолженијата и обврските никогаш не било полесно. Тоа е алатката за управување со задачи којашто ви треба во секојдневниот арсенал.

Дознајте повеќе: http://to-do.microsoft.com
Следете нè: https://twitter.com/MicrosoftToDo
Идеја или предлог за карактеристика: https://todo.uservoice.com/
Ви треба поддршка: https://todosupport.microsoft.com/support?product_id=todo

Со инсталирање на Microsoft To Do, се согласувате со следниве услови на користење: https://go.microsoft.com/fwlink/?linkid=842577

Оцени и рецензии

Prekrasno za zabraveni

Vrvna aplikacija!

Што има ново

Поправивме некои грешки за да го подобриме искуството со апликацијата.