A aplicación Google Home permíteche configurar, xestionar e controlar os teus dispositivos Google Nest, Google Wifi, Google Home e Chromecast, ademais doutros moitos elementos do fogar conectado (iluminación, cámaras, termóstatos…).
Acende as luces, axusta o termóstato ou recibe unha alerta cando teñas un paquete ou haxa alguén diante da porta. Google Home en Wear OS estará dispoñible como vista previa mentres seguimos a engadir controis e melloras.
A túa casa, dun golpe de vista.
A pestana Inicio fornéceche atallos para as cousas que fas máis a miúdo, como escoitar música ou atenuar as luces cando queres ver unha película. Controla todo con só un ou dous toques para gozar máis rápido das cousas boas. Na pestana Feed destacarase a actividade máis importante da túa casa nun único lugar. Tamén inclúe maneiras de tirar máis proveito dos teus dispositivos e mellorar a configuración para a túa casa.
Crea rutinas que che permitan acender as luces compatibles, consultar o tempo, reproducir as noticias e realizar moitas máis accións cun único comando.
Consulta, nun mesmo sitio, todas as transmisións de vídeo e pistas de audio que se estean reproducindo nos dispositivos compatibles da casa: Súbelles ou báixalles o volume, pasa á pista seguinte ou cambia rapidamente de altofalantes.
Unha soa mirada basta para estar ao día do que pasa no teu fogar.
A aplicación Google Home está deseñada para mostrarche o estado da casa e informarte dos eventos que é posible que perdeses. Bótalle unha ollada cando queiras para ver un resumo dos últimos acontecementos na casa. Tamén tes a opción de recibir notificacións se ocorre algo importante na túa ausencia.
Utiliza a aplicación Google Home para configurar o teu Nest Wifi e Google Wifi en cuestión de minutos. Fai probas de velocidade, configura unha rede de convidados e comparte de xeito sinxelo o contrasinal da wifi coa familia e cos amigos. Usa os controis parentais (como a opción de pór en pausa a wifi) para xestionar o tempo que pasan en liña os nenos. Dálle prioridade automaticamente ao tráfico das videoconferencias e dos xogos en todos os dispositivos ou decide a que dispositivos se lles dá prioridade para todos os tipos de tráfico. Consigue máis datos sobre a túa rede. Por exemplo, recibe unha notificación cando se una un dispositivo novo ou consulta información detallada para solucionar problemas de conexión a Internet.
Unha casa intelixente é unha casa privada.
Para protexer a túa privacidade, usamos unha das infraestruturas de seguranza máis avanzadas do mundo, que está integrada directamente nos produtos de Google para que sexan seguros de forma predeterminada. A seguranza integrada na túa Conta de Google detecta e bloquea de xeito automático as ameazas antes de que che cheguen. Desta forma, a túa información persoal está protexida.
Creamos ferramentas de privacidade para que teñas o control.
Controla a actividade do teu Asistente de Google, a configuración de privacidade, a información e as preferencias persoais. Consulta a túa actividade, elimínaa de xeito manual ou decide que se borre automaticamente. Controla a túa privacidade no Asistente de Google coa voz. Pregúntalle, por exemplo, "Onde podo modificar a miña configuración de privacidade?" para que che responda as preguntas máis frecuentes sobre privacidade e seguranza.
Visita o Centro de seguranza de Google Nest en safety.google/nest para obter máis información sobre como protexemos a túa información e respectamos a túa privacidade.
*Algúns produtos e funcións poden non estar dispoñibles en todas as rexións. É necesario utilizar dispositivos compatibles.
Última actualización
29 de abr. de 2024