Ezagutu zure Pixel Watch 3-a

Pixel Watch 3-a eginbide lagungarriz beteta dago. Eguneroko estatistikak eta motibazioari eusteko laguntza eskainiko dizkizu, besteak beste. Hona hemen gure gogoko batzuk entrenatzeari ekin diezaiozun.

Bizimodu aktiboari ekin nahi diozu? Egin 40 + ariketaren eta bihotzaren jarraipena, entrenamenduetan nahiz egunean zehar. Korrikalari amorratua bazara, bizkortu pausoa korrikaldi pertsonalizatuak sortuz, jaso denbora errealeko jarraibideak aholkuekin eta jaso korri egiten hobetzeko ohar aurreratuak.

Ezagutu entrenatzeko modu berriak eta jarraitu bide onean aplikazio hauen laguntzarekin.

Aztertu berreskuratze-maila gorputza entrenatzeko prest dagoen edo ez ikusteko. Berreskuratze-maila loari eta bihotz-maiztasunari buruzko datuekin kalkulatzen da. Kontrolatu bihotzak egiten duen ahalegina, karga kardiobaskularraren jarraipena egiteko eginbideari esker. Horrela, maila egokian entrenatuko duzu, eta berreskuratze-mailan oinarritutako helmugako tarteetara egokitu ahalko zara egunero.

Fitbit duen osasun- eta ongizate-xedeetarako aparteko tresna da erlojua. Antolatu eguna eta ariketa fisikoa goizeko txostenarekin, eta lortu estatistikak, berreskuratze-maila, neurketak eta eguneko helburuak. Halaber, osasuntsu egoteko abisuak jasoko dituzu; adibidez, egunean zehar mugitzeko.

Hona hemen norberaren zainketarako (goizeko erritualak, elikadura osasuntsua, erlaxazioa…) aplikazio gehiago.

Egon jakinaren gainean edonoiz eta edonon: erlojuaren pantaila handi eta argiari esker, oso erraza da osasunaren inguruko estatistikak begi-kolpean ikustea. Gainera, lauzak gehi ditzakezu gogoko dituzun ongizate-aplikazioetan, behar duzun informazioaren laburpen bizkorrak bistaratzeko.

Lanpetuta bazaude, eskatu laguntza ahoz telefonoari: eguraldia ikusi, mezuak bidali, tenporizadoreak ezarri… Aginduak ematen hasi aurretik, esan "Hey Google" edo sakatu luze alboko botoia.

Motibazio-musika behar duzu egitekoen zerrendari aurre egiteko? Entzun gogoko dituzun abestiak erlojuan bertan. Antolatzeko eta dena programatuta edukitzeko modu berriak izateko, eman begiratu bat produktiboagoa izateko aplikazio hauei.